جگر مراد آبادی کی شاعری

شہنشاہ تغزل جگر مراد آبادی عبدالرشید شہنشاہ تغزل جگر مراد آبادی کا نام شیخ محمد علی سکندر اور جگر تخلص تھا۔ والد کا نام نظر علی تھا جو خود اچھے شاعر تھے۔اس زمانے کے جانے مانے شعرا میں ان کا شمار ہوتا تھا اور ان کا ایک دیوان بھی شائع ہوا تھا۔ پروفیسر وہاب اشرفی اور پروفیسر سیدہ جعفر نے اپنی تصنیف میں جگر کو پدم بھوشن یافتہ بھی قرار دیا۔
(بحوالہ’ تاریخ ادب اردو‘ (جلد سوم): وہاب اشرفی، ص: ۱۴۶۳۔۱۴۶۱، تاریخ ادب اردو (جلد چہارم) سیدہ جعفر، ص: ۲۵۳ )کچھ نظریوں اور صحف و کتب کے مطابق انسان پر ایسا وقت آتا ہے کہ اس کے اندر کوئی ایسی قابل ذکر شے نہیں ہوتی جس کے سبب اسے یاد کیا جائے۔ تاہم پیدائش کے وقت ماں باپ اور اعزہ و اقربا چند لمحوں ، گھنٹوں یا دنوں کا جشن منا کر بھول جاتے ہیں۔ کچھ افراد ایسے ہوتے ہیں کہ مرورِ زمانہ کے ساتھ ان کے اعمال وافعال اور کردار کے سبب ان کی مقبولیت بڑھتی جاتی ہے حتیٰ کہ وہ ملک و قوم کا سرمایہ بن جاتے ہیں اور ان کی موت و حیات کی تاریخوں پر انھیں یاد کیا جاتا ہے۔ جگر مراد آبادی ایسے مخصوص لوگوں میں سے ایک تھے۔ وہ منجملہ خاصان میخانہ تھے۔ ان کا خاندان مذہبی تھا۔ مولویوں کا گھرانہ تھا۔جگر کے مورث اعلیٰ مولوی محمد سمیع فرخ سیر کے استاد تھے۔ فرخ سیر کی وفات کے بعد ان کا خاندان ہجرت کر کے مراد آباد آ گیا۔ جگر کے مطابق ان کی تاریخ پیدائش ۱۸۹۰ء اور مقام پیدائش بنارس ہے، جو مختلف فیہ ہے۔ کیوں کہ کچھ لوگوں کے نزدیک ان کی جائے ولادت مراد آباد ہی ہے۔شہنشاہ تغزل جگر مراد آبادی کا پورا نام شیخ محمد علی جگر مراد آبادی تھا۔ جگر لکھنؤ کے اسٹینلی اسکول میں پڑھتے تھے ۔ نویں جماعت میں دو مرتبہ فیل ہوئے۔ فیل ہونے کے بعد باضابطہ حصول تعلیم سے دستبردار ہو گئے۔ ظاہر ہے کہ جمالیات حیات و کائنات کی بصیرت و حسیت رکھنے والا انسان خشک سائنسی صداقت اور ٹکنالوجی و ہندسوں کے فارمولوں و اصولوں سے دلچسپی نہیں رکھتا۔ اس کی نظر صرف خوبصورتی کی جستجو میں رہتی ہے۔ جگر کے ایک جاننے والے عاقل نام کے شخص کا چشموں کا کارخانہ تھا۔ جگر اس کار خانے کے ایجنٹ ہو گئے اور چشمہ فروشی کا پیشہ اختیار کیا۔ جگر کا اپنے کام کے سلسلے میں بنارس سے لے کر اعظم گڑھ تک دورہ ہوتا ۔ وہ اعظم گڑھ مسلم مسافر خانے میں ٹھہرتے پھر ان کی دوستی مرزا احسان بیگ سے ہو گئی اور جگر مرزا صاحب کے گھر ٹھہرنے لگے۔ مرزا صاحب خود اچھے شاعر تھے۔ دونوں میں خوب جمتی تھی۔ جگر اعظم گڑھ کی شعری محفلوں میں بہت مقبول تھے۔ عربی اور فارسی میں اچھی صلاحیت کے مالک تھے۔ اردو کے علاوہ فارسی میں بھی شعر کہتے تھے۔ تیرہ چودہ برس کی عمر میں شاعری کرنے لگے تھے او راپنے والد سے اصلاح لیتے تھے۔ داغ دہلوی اور منشی امیر اللہ تسلیم نے جگر کی شاعری کو مزید جلا بخشی ۔ غیر منظم زندگی اور انتشار ذہنی کے باعث نشیب و فراز کے مختلف مراحل سے دو چار ہوئے۔ آگرہ میں وحیدن بیگم سے شادی اور پھر مفارقت کا مرحلہ بھی آیا۔ دوسرا عقد نسیم سے ہوا۔ جگر کا یہ دور بلا نوشی کا دور تھا۔نسیم سے شادی ترک مے نوشی کی شرط پر ہوئی تھی۔ لہٰذا جگر نے بادہ کشی سے توبہ کر لی۔ ان کی زندگی میں ایک انقلاب آیا۔ صوم و صلاۃ کے پابند ہو گئے۔ اصغر گونڈوی کے کہنے پر شاہ عبدالغنی منگلوری سے بیعت کر لی۔ اصغر گونڈوی ، جگر کے محسنوں میں سے تھے لیکن دونوں کے شعری مزاج میں فرق تھا۔ اصغر گونڈوی کا میلان تصوف کی طرف تھا۔ ۱۹۵۳ء میں حج بیت اللہ کی سعادت نصیب ہوئی۔ جگر کی شررنگار اور خمریہ شاعری کاتجزیہ کیا جائے تو ایک دفتر درکار ہے۔ مشاعرے میں ان کی شرکت کامیابی کی ضامن ہوتی۔ ترنم میں شعر پڑھنا اور سامعین کی داد و تحسین اور ’مکرر ارشاد‘ کے ہنگاموں سے محفل مشاعرہ گونج اٹھتی۔ مصرعوں میں لفظوں کا استعمال شگفتہ و شستہ طرز ادا اور روانی سے خیالات و تجربات کی ترسیل میں لمحہ بھر کی رکاوٹ نہیں آتی۔ اسٹیج پر بیٹھے دوسرے شعرا جگر کی مقبولیت سے پریشانی محسوس کرتے۔ پدم بھوشن کا خطاب، علی گڑھ مسلم یونیورسٹی سے ڈاکٹریٹ کی اعزازی سند، مجموعہ آتش گل پر ساہتیہ اکادمی کا انعام اور دولت ہند کی جانب سے تاحیات پنشن کا وقار بھی ملا۔
’’داغ جگر‘‘،’’ شعلۂ طور‘‘ اور ’’آتش گل‘‘ کے اشعار سے اندازہ ہوتا ہے کہ جگر کے نزدیک حاصل کائنات اور حقیقت کائنات محض حسن ہے۔ اسی لیے حسن و جمال کے دیدار، حسینوں کی عشوہ طرازیوں، پھولوں کی مہک اور بلبل کی چمک میں جگر یکسر گم ہو جاتے ہیں اور ان کا یہ عمل انھیں مجاز کے راستے حقیقت اور صورت سے معنی کے طریق و مسلک پر نہیں لے جاتا بلکہ وہ حسن و جمال سے مسحور اور جلوۂ صدرنگ کے افسوں سے متاثر ہو کر عشق و محبت کا نغمہ تخلیق کرتے ہیں اور درد بھری آواز میں سامعین تک پہنچانے کی کامیاب کوشش کرتے ہیں۔ ’’داغ جگر‘’ اور ’’شعلۂ طور‘‘ کی غزلیں کلاسیکی استعارات و تشبیہات اور تغزل سے بھر پور ہیں، زندگی کا احترام، آدمیت کی قدر اور حسن کی سرشاری و مستی سے مملو ہیں۔غزل، تغزل، کلام میں سوز وگداز، شعر خوانی کا انداز، موسیقیت، نغمہ ریزی اور دل کو چھو جانے والا ترنم جگر کی اصل پہچان ہے۔ تاہم ایسا نہیں کہ ان کی شاعری درس حیات اور نکات اخلاق سے خالی ہے۔جگر کی شاعری کا اگر تنقیدی جائزہ لیا جائے تو ان کی شاعری اور زندگی کو دو حصوں میں تقسیم کر سکتے ہیں۔ پہلا دور شراب وشباب اور رندی و مستی کا دور ہے جس میں جگر ذکر حسن و عشق اور بزم مے گساری میں گھرے رہتے۔ ان کاخیال تھا کہ :اگر نہ زہرہ جبینوں کے درمیاں گزرےتو پھر یہ کیسے کٹے زندگی کہاں گزرےایسے اسلوب و طرز کی شاعری کرنے والا شاعر امتداد زمانہ کے اثر سے نہیں بچتا۔ آزادی کے بعد کے اثرات، ہجرت، خوں ریزی، قیامت خیز تباہی اور خاک و خون میں تڑپتی انسانیت اور دم توڑتی مشترکہ تہذیب نے جگر کی سرمستیوں کو صدمہ پہنچایا۔آتش گل جگر کے اسی ذہنی تغیر و انقلاب کی تخلیق ہے جو انسانیت سے حددرجہ محبت کی دلیل ہے۔ اسے ہم جگر کے دوسرے دور کی شاعری کہہ سکتے ہیں۔ ایسے ہی ماحول اور ایسی ہی فضا میں جگر کی تڑپ نے پکارا :فکر جمیل خواب پریشاں ہے آج کلشاعر نہیں ہے وہ جو غزل خواں ہے آج کلسلامت تو، تیرا میخانہ تیری انجمن ساقیمجھے کرتی ہے اب کچھ خدمت دارورسن ساقیجگر نے تقسیم ہند و پاک کے سانحے کو سماجی اور خارجی حقائق کی سچی تصویر مانا اور اسے غزل کے مزاج و فن سے ہم آہنگ کر کے تاریخ کا ایک حصہ بنا دیا :بھری بہار میں تاراجئ چمن مت پوچھخدا کرے نہ پھر آنکھوں سے یہ سماں گزرےکہاں کے لالہ و گل کیا بہار توبہ شکنکھلے ہوئے ہیں دلوں کی جراحتوں کے چمنصیاد پر ظاہر یہ بھی راز نہیں ہےپرواز اسیر پر پرواز نہیں ہےچمن ہی نہیں جس کے گوشے گوشے میںکہیں بہار نہ آئے کہیں بہار آئےدنیااور دنیا کے تمام وسائل ، سہولتیں اور علوم سب کے سب انسان کی خدمت ترقی ، تہذیب اور تکریم و تعظیم کے لیے ہیں کیونکہ انسان تمام مخلوقات میں اشرف مخلوق ہے، اس کی تخلیق احسن ساخت میں کی گئی ہے۔ اس لیے زندگی کا احترام، انسانیت و آدمیت کی قدر کو ترجیحی حیثیت حاصل ہے۔ جگر کا سماجی شعور بہت پختہ ہے لیکن انھیں سیاست سے کوئی دلچسپی نہیں۔ سیاسی پھندوں اور داؤ پیچ سے کوئی لگاؤ نہیں۔ وہ اہل سیاست کے کام نہیں ، محبت کے پیغام میں یقین رکھتے تھے۔جگر نے بالارادہ اردو زبان و ادب کی خدمت نہیں کی، بلکہ ادب برائے حظ و انبساط کے قائل تھے۔ شاعری برائے شاعری، شاعری برائے حسن و عشق اور شاعری برائے زندگی کی ہے۔ ان کے مسلک میں انسان اور زندگی تخلیق کائنات کا محور و مرکز اور مقصد ہے۔ داغ جگر اور شعلۂ طور کی غزلیں بادی النظر میں شعر برائے نشاط کی طرف ذہن کو لے جاتی ہیں لیکن بغور تجزیے کے بعد دیکھا جائے تو ان میں بھی زندگی اور تلازمۂ حیات کی ترجمانی ہوتی ہے کیونکہ ادب برائے ادب اور ادب برائے زندگی کا نکتہ ارتکاز ایک ہی ہے۔ انسانیت کی بقا، ترقی، مسرت و حظ نیز تمام زبانوں اور مضامین، خواہ وہ ادب و سائنس ہو یا جدید ٹیکنالوجی سب کا مقصد و منشا سماج کو مسرت بہم پہنچانا ہے۔ ادب کا افادی نظریہ بھی امن و انصاف اور تسکین قلب و خوشی فراہم کرنا ہے۔ دنیا کو ظلمت سے نکال کر روشنی کی طرف لانا ہے۔جگر کو معرفت ذات اور عرفان کائنات کے فرق و امتیاز کا شدت سے احساس ہوا۔ جب وہ صرف حسن و عشق اور شراب و شباب کی شاعری کی مستی میں غرق تھے تو اس وقت بھی وہ انجانے طور پر نہیں بلکہ شعوری طور پر کائنات کی خوبصورتی اور نقوش حیات سے ہم کلام ہوتے تھے۔ کیونکہ غالب کے نزدیک سارے نقوش فریادی ہوتے ہیں لیکن انسان دل فطرت شناس سے محروم ہے۔ سکوت لالہ و گل کی گفتگو سننے کی صفت سے عاری ہے :باہمہ ذوق آگہی ہائے رے پستی بشرسارے جہاں کا جائزہ اپنے جہاں سے بے خبرتسخیر مہر و ماہ مبارک تجھے مگردل میں اگر نہیں تو کہیں روشنی نہیںجگر سچے شاعر ، زندگی کے مزاج شناس اور مبصر تھے۔وہ ہمیں ہیں کہ جن کے ہاتھوں نےگیسوئے زندگی سنوارے ہیںشہنشاہ تغزل جگر مراد آبادی نے ۹ ستمبر ۱۹۶۰ء کو گونڈہ میں آخری سانسیں لیں۔ غزل کے اس کلاسیکی شاعر کو اردو شاعری کی تاریخ میں ہمیشہ سنہرے الفاظ میں یاد کیا جاتا رہے گا۔نمونہۂ کلامآدمی آدمی سے ملتا ہے دل مگر کم کسی سے ملتا ہےبھول جاتا ہوں میں ستم اس کےوہ کچھ اس سادگی سے ملتا ہےآج کیا بات ہے کہ پھولوں کارنگ تیری ہنسی سے ملتا ہےسلسلہ فتنۂ قیامت کاتیری خوش قامتی سے ملتا ہےمل کے بھی جو کبھی نہیں ملتاٹوٹ کر دل اسی سے ملتا ہےکاروبارِ جہاں سنورتے ہیںہوش جب بے خودی سے ملتا ہےروح کو بھی مزہ محبت کادل کی ہمسایگی سے ملتا ہے
Oحب ہر اک شورشِ غم ضبط فگاں تک پہنچےپھر خدا جانے یہ ہنگامہ کہاں تک پہنچےآنکھ تک دل سے نہ آئے نہ زباں تک پہنچےبات جس کی ہے اسی آفت جاں تک پہنچےکیا تعجب کہ مری روح جواں تک پہنچےپہلے کوئی مرے نغموں کی زباں تک پہنچےحسن کے نغمے بھی خاموش زباں تک پہنچےاب ترے حوصلے اے عشق یہاں تک پہنچےمیرے اشعار میں جو آگ بھری ہے اے کاش !تجھ کو راس آئے، ترے غم جواں تک پہنچےرہِ عرفاں میں اک ایسا بھی مقام آتا ہےہر یقیں بڑھ کے جہاں وہم و گماں تک پہنچےاُف وہ کیفیتِ غم، آنکھ جسے دیکھ سکے !ہائے وہ درد کی لذت جو زباں تک پہنچےجو زمانے کو برا کہتے ہیں خود ہیں وہ بُرےکاش یہ بات ترے گوش گراں تک پہنچےاِن کا جو فرض ہے وہ اہل سیاست جانیںمرا پیغام محبت ہے جہاں تک پہنچےجلوے بے تاب تھے جو پردہ، فطرت میں جگرخود تڑپ کر مری چشم نگراں تک پہنچے
Oرکھتے ہیں خضر سے نہ غرض رہنما سے ہمچلتے ہیں بچ کے دور ہر اک نقشِ پا سے ہممانوس ہو چلے ہیں جو دل کی صدا سے ہمشاید کہ جی اٹھے تری آوازِ پا سے ہمیارب نگاہ شوق کو دے اور وسعتیںگھبرا اٹھے جمالِ جہت آشنا سے ہممخصوص کس کے واسطے ہے رحمتِ تمامپوچھیں گے ایک دن یہ کسی پارسا سے ہماو مستِ نازِ حسن تجھے کچھ خبر بھی ہےتجھ پہ نثار ہوتے ہیں کس کس ادا سے ہمیہ کون چھا گیا ہے دل و دیدہ پر کہ آجاپنی نظر میں آپ ہیں نا آشنا سے ہم
O
(بشکریہ اردو دنیا، بھارت )

Welcome, Login to your account.

Recover your password.

A password will be e-mailed to you.

Baaghi TV – باغی ٹی وی | خبریں، تازہ خبریں، بریکنگ نیوز | News, latest news, breaking news

؍ستمبر ۱۹۶۰

جگر مراد آبادی کی شاعری

شہنشاہِ تغزل، رئیس المتغزلین، ممتاز ترین قبل ازجدید شاعروں میں نمایاں، بے پناہ مقبولیت کے لئے معروف، مترنّم لب و لہجے کے مشہور شاعر” جگرؔ مراد آبادی صاحب “ کا یومِ وفات…

*جگرؔ مراد آبادی*، نام *علی سکندر* تخلص *جگرؔ*۔ ولادت *۶؍اپریل ۱۸۹۰ء مرادآباد (اتر پردیش)* ۔ قرآن پاک ، فارسی اور اردو کی تعلیم اس زمانے کے دستور کے مطابق گھر پر ہوئی۔ ان کے والد *علی نظر* شاعر تھے۔ جگر کے خاندان کے دوسرے اصحاب بھی شاعر تھے،اس طرح جگر کو شاعری ورثے میں ملی ۔چناں چہ جگر کی شعر گوئی کا آغاز اس وقت ہوا جب وہ ۱۴ برس کے تھے۔ ابتدا میں انھوں نے *حیات بخش رسا* کو کلام دکھایا، پھر *حضرتِ داغ* سے رجوع کیا اور کچھ عرصہ *امیر اللہ تسلیم* سے بھی اصلاح لی۔ جگر صاحب کی زندگی کا بڑا حصہ مختلف اضلاع میں گزرا۔ ان کا پیشہ چشموں کی تجارت تھا۔ *اصغر گونڈوی* کی صحبت نے *جگر* کی شاعری کو بہت جلا بخشی۔ *جگرؔ* مشاعروں کے بہت کامیاب شاعر تھے ۔ ان کا ترنم بہت اچھا تھا۔بحیثیت انسان وہ نہایت شریف واقع ہوئے تھے۔ بھارتی حکومت نے انھیں *’’پدما بھوشن‘‘* خطاب دیا۔ علی گڑھ یونیورسٹی نے *جگرؔ* کو ڈاکٹریٹ کی اعزازی ڈگری دی۔ان کے آخری مجموعہ کلام *’’آتِش گل‘‘* پر ان کو ساہتیہ اکیڈمی سے انھیں پانچ ہزار روپیہ کا انعام ملا۔ اور دو سو روپیہ ماہ نامہ وظیفہ مقرر ہوا۔ *’آتش گل‘ کے علاوہ ’’داغ جگر‘‘ اور ’’شعلۂ طور‘‘* ان کی شاعری کے مجموعے ہیں۔
شراب ترک کرنے کے بعد ان کی صحت بہت خراب رہنے لگی تھی۔ وہ مستقل طور پر *گونڈہ* میں قیام پذیر ہوگئے تھے۔ *۹؍ستمبر ۱۹۶۰ء* کو تقریباً صبح ۶بجے اس دنیا سے رخصت ہوگئے۔
*بحوالۂ:پیمانۂ غزل(جلد اول)،محمد شمس الحق،صفحہ:315*

🦋

💐 *شہنشاہِ تغزل جگرؔ مراد آبادی صاحب کے یومِ وفات پر منتخب اشعار بطورِ خراجِ عقیدت…* 💐

آج کیا حال ہے یا رب سرِ محفل میرا
کہ نکالے لیے جاتا ہے کوئی دل میرا
—
*نگۂ ناز لے خبر ورنہ*
*درد محبوب اضطراب ہوا*
—
ایسا کہاں بہار میں رنگینیوں کا جوش
شامل کسی کا خونِ تمنا ضرور تھا
—
*جگرؔ کا ہاتھ ہوگا حشر میں اور دامنِ حضرت*
*شکایت ہو کہ شکوہ جو بھی ہوگا برملا ہوگا*
—
جب کوئی ذکرِ گردشِ آیام آ گیا
بے اختیار لب پہ ترا نام آ گیا
—
*جان ہی دے دی جگرؔ نے آج پائے یار پر*
*عمر بھر کی بے قراری کو قرار آ ہی گیا*
—
شکستِ حسن کا جلوہ دکھا کے لوٹ لیا
نگاہ نیچی کئے سر جھکا کے لوٹ لیا
—
ہر حقیقت کو باندازِ تماشا دیکھا
خوب دیکھا ترے جلووں کو مگر کیا دیکھا
—
کیا جانئے کیا ہو گیا اربابِ جنوں کو
مرنے کی ادا یاد نہ جینے کی ادا یاد
—
*حسنِ کافر شباب کا عالم*
*سر سے پا تک شراب کا عالم*
—
پہلے شراب زیست تھی اب زیست ہے شراب
کوئی پلا رہا ہے پیے جا رہا ہوں میں
—
شاعرِ فطرت ہوں جب بھی فکر فرماتا ہوں میں
روح بن کر ذرے ذرے میں سما جاتا ہوں میں
—
*وہ ادائے دلبری ہو کہ نوائے عاشقانہ*
*جو دلوں کو فتح کر لے وہی فاتح زمانہ*
—
محبت میں یہ کیا مقام آ رہے ہیں
کہ منزل پہ ہیں اور چلے جا رہے ہیں
—
*ہم کو مٹا سکے یہ زمانے میں دم نہیں*
*ہم سے زمانہ خود ہے زمانے سے ہم نہیں*
—
اک لفظ محبت کا ادنیٰ یہ فسانا ہے
سمٹے تو دلِ عاشق پھیلے تو زمانا ہے
—
*اپنے فروغِ حسن کی دکھلا کے وسعتیں*
*میرے حدودِ شوق بڑھا کر چلے گئے*
—
یہ ہے مے کدہ یہاں رند ہیں یہاں سب کا ساقی امام ہے
یہ حرم نہیں ہے اے شیخ جی یہاں پارسائی حرام ہے
—
ہم نے سینے سے لگایا دل نہ اپنا بن سکا
مسکرا کر تم نے دیکھا دل تمہارا ہو گیا
—
جو طوفانوں میں پلتے جا رہے ہیں
وہی دنیا بدلتے جا رہے ہیں
—
یہ عشق نہیں آساں اتنا ہی سمجھ لیجے
اک آگ کا دریا ہے اور ڈوب کے جانا ہے
—
آغازِ محبت کا انجام بس اتنا ہے
جب دل میں تمنا تھی اب دل ہی تمنا ہے
—
دل میں کسی کے راہ کئے جا رہا ہوں میں
کتنا حسیں گناہ کئے جا رہا ہوں میں
—
مری زندگی تو گزری ترے ہجر کے سہارے
مری موت کو بھی پیارے کوئی چاہیئے بہانہ
—
اے محتسب نہ پھینک مرے محتسب نہ پھینک
ظالم شراب ہے ارے ظالم شراب ہے
—
کیا حسن نے سمجھا ہے کیا عشق نے جانا ہے
ہم خاک نشینوں کی ٹھوکر میں زمانا ہے
—
جان ہے بے قرار سی ، جسم ہے پائمال سا
اب نہ وہ داغ، وہ جگر، صرف ہے اِک خیال سا
—
کچھ ہمی جانتے ہیں لطف تر ے کوچے کا
ورنہ پھرنے کو تو مخلوقِ خدا پھرتی ہے
—
مدت ہوئی اک حادثٔہ عشق کو لیکن
اب تک ہے ترے دل کے دھڑکنے کی صدا یاد
—
معراجِ شوق کہئے، یا حاصلِ تصوّر !
جس سمت دیکھتا ہُوں تُو مُسکرا رہا ہے
—
دیوانہ وار جان بفشاندن گناہِ من
بیگانہ وار رخ ننمودن گناہِ کیست؟

ترجمہ :-

دیوانہ وار جان لٹانا ہے میرا جُرم
بیگانہ وار رُخ نہ دکھانا ہے کس کا جُرم؟
—
‏تو نے نہ اٹھایا رُخِ نادیدہ سے پردہ
دنیا کو تیری حسرتِ دیدار نے مارا
—
اپنا زمانہ آپ بناتے ہیں اہلِ دل
ہم وہ نہیں کہ جن کو زمانہ بنا گیا

پچھلی خبر

شدید رومانی نظم نگاری اور شاعری کے لئے مشہور، ممتاز شاعر” اخترؔ شیرانی صاحب “

اگلی خبر

کشمیری عوام حق اور سچ پر ڈٹے رہیں، انہیں کامیابی ضرور ملے گی، وزیراعظم عمران خان

کورونا وائرس: پاکستان فیشن ویک آئندہ سال 2021 تک کے لئے ملتوی

ارطغرل غازی نے پاکستان میں مقبولیت کا ایک اور ریکارڈ قائم کرلیا

سونیا حسین نے علی سیٹھی کو بادشاہ غزل قرار دیا

امریکہ پھرسے دنیا کی قیادت کے لیے تیار ہے: جوبائیڈن

آپ کا ای میل ایڈریس شائع نہیں کیا جائے گا.

Save my name, email, and website in this browser for the next time I comment.

جگر مراد آبادی کی شاعری

کشمیر

مقبوضہ کشمیر میں خواتین کی عصمت دری کو جنگی ہتھیار کے طور پراستعمال کیا جاتا ہے

فوج مخالف قوتوں اوربھارت کا بیانیہ ایک،غداروں کولگام نہ دی توپھرمیرجعفراورمیرصادق پیدا ہوتے رہیں…

بھارتی دھمکیاں،فوج مخالف قوتوں کےلیےکمک،جنگ نہیں کر سکتااگرہوئی توبھارت میں‌…

چین یا پاکستان ہجرت کرنے والے کشمیریوں کے خلاف مودی سرکار کا سخت اقدام

شوبز

کورونا وائرس: پاکستان فیشن ویک آئندہ سال 2021 تک کے لئے ملتوی

ارطغرل غازی نے پاکستان میں مقبولیت کا ایک اور ریکارڈ قائم کرلیا

سونیا حسین نے علی سیٹھی کو بادشاہ غزل قرار دیا

اداکارہ رباب ہاشم کی شادی کی تقریبات کا آغاز ہو گیا

تصاویر گل زیبا پروفایل

سائنس و ٹیکنالوجی

وزیراعظم عمران خان کا سپارکو کےسیٹلائٹ گراوَنڈ اسٹیشن اسلام آباد کا دورہ ،خلائی…

آئی ٹی ڈپلومیسی سے آپکے موبائل کی جاسوسی تک از طہ منیب

انٹرنیٹ سے جڑا “اسمارٹ ماسک” آگیا جو میسج بھی بھیجے گا اور آٹھ…

مکتبہ شاملہ کی نئی ایپ استعمال کرنے کا طریقہ

‏کراچی میں PUBG کھیلنے سے نوجوان ذہنی مریض بن گیا

باغی ٹی وی کرپشن، بددیانتی، جرائم، ظلم و زیادتی اورملک دشمن عناصر کے خلاف ایک مضبوط قوم کی آواز ہے جس کا منشور ملکی مفاد کی بالا دستی اور نظریاتی دفاع ہے۔

باغی ٹی وی پر شائع ہونے والی تمام خبریں ذرائع سے مصدقہ اور حقائق پر مبنی ہیں۔ کسی بھی خبر کی تردید و توثیق ادارے کی طرف سے بروقت ویب سائٹ پر شائع کر دی جاتی ہے۔ باغی ٹی وی حق اور انصاف کے بول کے ساتھ درستگی اور اصلاح کے صحافتی اصول و ضوابط پر کاربند ایک ادارہ ہے۔
Visit our privacy policy here

Welcome, Login to your account.

Recover your password.

جگر مراد آبادی کی شاعری

A password will be e-mailed to you.

0